Mirabad Square — Apex Development kompaniyasining debyut loyihasi bo‘lib, u Britaniyaning dunyoga mashhur Chapman Taylor me’morchilik byurosi bilan hamkorlikda ishlab chiqilgan.
Loyiha yettita takrorlanmas rezidensiyani birlashtiradi. Ularning har biri o‘zining noyob nomiga, konsepsiyasiga va o‘ziga xos me’moriy qiyofasiga ega. Mirabad Square g‘oyasi bitta turar joy dahasi doirasida boy infratuzilmani yaratishga asoslangan — bu o‘zining eng qimmatli resursi bo‘lgan vaqtni qadrlaydigan insonlar uchun mo‘ljallangan.
Bu yerda shinam hayot, samarali ish va maroqli hordiq uchun barcha sharoitlar ko‘zda tutilgan: aholi uchun yopiq infratuzilma, zamonaviy ofislar, xalqaro maktab va bog‘cha, shuningdek, bir qadamlik masofada joylashgan premium-toifadagi fitnes-markaz va klinika mavjud. Hududning o‘ziga xos muhitini yangi markazga aylanadigan restoranlar jamlangan sayilgoh-bog‘ hamda jahon brendlari butiklari o‘rin olgan shopping-avenyu to‘ldirib turadi.
Sayilgoh-bog‘, A va B toifasidagi biznes-markazlar, xalqaro maktab va maktabgacha ta’lim tashkiloti
Ritmik fasadlar va nafis sharqona uslubdagi bezaklar
Sersoya daraxtlar, gullab-yashnayotgan o‘simliklar, suv havzalari va favvoralar tizimi hamda qulay mikroiqlim
Regent Park — Mirabad Square loyihasining ikkinchi loti bo‘lib, premium darajadagi mikrotuman tarkibida sokin va xotirjam hayot tarzini o‘zida mujassam etadi. Loyihaning tinchroq qismida joylashgan ushbu bino shaxsiy daxlsizlik, sukunat va oilaviy shinamlikni qadrlovchilar uchun yaratilgan.
Megapolisning shiddatli sur’atida vaqtni tejash har qachongidan ham muhimroq. Shu bois Mirabad Square majmuasida piyoda masofada joylashgan ta’lim muassasalari nazarda tutilgan. Majmua hududida xalqaro bolalar bog‘chasi hamda Britaniya ta’lim tizimi asosida faoliyat yurituvchi xususiy maktab barpo etiladi. Bu esa farzandlaringizning uyga yaqin joyda sifatli ta’lim olishini ta’minlab, ota-onalarga kundalik qatnov uchun sarflanadigan vaqtni tejash imkonini beradi.
Mirabad Square — xalqaro miqyosda tan olingan loyiha. Butun dunyo bo‘ylab arxitektura va ko‘chmas mulk sohasidagi yutuqlarni munosib taqdirlaydigan nufuzli The International Property Awards mukofotida loyiha beshta nominatsiyada g‘olib bo‘ldi:
Masterplan, Public Service Development, Leisure Development, Retail Architecture, Mixed-Use Architecture
Ekspertlar hay’ati Mirabad Square loyihasini har tomonlama baholadi — loyiha konsepsiyasining chuqurligidan tortib, me’moriy yechimlarining sifatigacha.
Mirabad Square — hashamatli turmush tarzi ramziga aylangan mashhur avenyuning uzviy davomi bo‘ladi.
Bu yerda rivojlangan infratuzilma yuksak darajadagi qulaylikni shakllantiradi hamda ushbu hududni yashash va sarmoyalar uchun nihoyatda jozibador qiladi. Mazkur radiusda premium-toifadagi ko‘chmas mulk narxlarining yillik o‘sishi 15–20% ni tashkil etmoqda, bu esa ushbu hududning mamlakatdagi asosiy sarmoya lokatsiyasi sifatidagi maqomini tasdiqlaydi.
Mirabad Square loyihasida kundalik hayot sayilgoh-bog‘ sharofati bilan yangicha jilo kasb etadi. Yam-yashil tabiat qo‘ynida, suv havzalari, shinam qahvaxona va restoranlar bilan qurshalgan uzun piyodalar xiyoboni Toshkentning yangi diqqatga sazovor maskaniga aylanadi.
Aynan shu yerda bayram tadbirlari va ijodiy kechalar o‘tkazilib, ushbu ko‘cha poytaxt aholisi hamda mehmonlari uchun yangi jalb qilish markaziga aylanadi.
Sersoya sayr xiyobonlari, yopiq hovli-bog‘lar va terrasalar uchun o‘simliklar shunday tanlanganki, majmua hududi yil davomida yashnab turadi. Hududlashtirish va ko‘kalamzorlashtirish ishlari o‘simliklarning ildiz tizimi xususiyatlarini hisobga olgan holda loyihalashtirilgan bo‘lib, bu ularning sog‘lom va uyg‘un rivojlanishini ta’minlaydi.
Landshaft dizaynining yakuniy qismi — suv havzalari va favvoralar tizimidir. Ular Mirabad Square hududida o‘ziga xos mikroiqlimni shakllantiradi va majmuani hayotbaxsh salqinlik bilan to‘ldiradi.
Mirabad Square’ning yam-yashil tabiat qo‘ynidagi hovli-bog‘i — avtomobillardan xoli, tinch va shinam makondir. Bu yerda tabiatning go‘zalligi mahobatli me’morchilik bilan uyg‘unlashgan. Aholi uchun ochiq osmon ostidagi hovli-bog‘, shuningdek, yilning istalgan faslida hordiq chiqarish uchun qulay bo‘lgan yopiq bog‘ ko‘zda tutilgan.
Shinamlik va tantanavorlik muhitini osongina yaratish mumkin bo‘lgan o‘ziga xos uchrashuvlar maskani. Ushbu zal aynan sizning tadbiringiz ruhiga — xoh oilaviy kechki ovqat, xoh bolalar tug‘ilgan kuni yoki ijodiy kecha bo‘lsin — mos ravishda o‘zgaradi.
Oddiy kunlarda esa Lounge Room sukunat va shinamlik maskaniga aylanadi — bu yerda kitob mutolaa qilish, dam olish yoki qo‘shnilar bilan samimiy muhitda suhbatlashish uchun barcha sharoitlar mavjud.
Mirabad Square’ning kichik yoshdagi aholisi uchun bolalar psixologiyasi sohasidagi ilg‘or bilimlar asosida yaratilgan noyob Kid’s Lab makoni ishlab chiqilgan. Bu yerda bolalar o‘ynaydilar, izlanadilar, xayol suradilar va baxtli hamda faol bolalik uchun barcha zarur sharoitlarda kamol topadilar.
Rezidensiyaning uchinchi qavatida shinam bolalar kinoteatri va o‘yin pristavkalari zali ko‘zda tutilgan.
Bu yerda bolalar va o‘smirlar tengdoshlari bilan muloqot qilishlari, yangi do‘stlar orttirishlari, PlayStation va Nintendo o‘yinlariga sho‘ng‘ishlari yoki kino olamidan bahramand bo‘lishlari mumkin.
Zamonaviy Gym Room trenajyor zalida barchasi muhim maqsad sari yo‘naltirilgan: sport bilan shug‘ullanishni qulay, samarali va ilhomlantiruvchi darajaga ko‘tarish.
Faqatgina Mirabad Square aholisi uchun xizmat qiluvchi Fit Lab yoga va pilates studiyasi — bu xotirjam jismoniy faollik uchun mo‘ljallangan xoli makondir. Bu yerda tongni shoshilmasdan nafas mashqlari bilan boshlash va kunni reformerlarda (maxsus trenajyorlarda) tanani bo‘shashtiruvchi mashg‘ulot bilan yakunlash mumkin.
Mirabad Square lobbisida har bir tafsilot puxta o‘ylangan — toki siz rezidensiya ostonasidanoq o‘zingizni uyingizdagidek his etishingiz uchun.
Bu yerda xonadon hududiga kirmasdan turib mehmonlarni kutib olish yoki biznes uchrashuvlarini o‘tkazish mumkin. Kecha-yu kunduz tartib, qulaylik va xavfsizlikni professional konsyerj hamda xavfsizlik xizmatlari ta’minlaydi.
Mirabad Square — Amerikaning yetakchi Otis brendiga mansub takomillashtirilgan modifikatsiyadagi liftlar o‘rnatiladigan O‘zbekistondagi ilk turar joy majmuasidir. Harakatlanishning yuqori tezligi va yo‘nalishlarning optimallashtirilishi yo‘lovchilar uchun kutish vaqtini qisqartiradi. Kirishni nazorat qilish tizimi maxfiylik va xavfsizlikni ta’minlaydi, kabinaning kengaytirilgan balandligi esa kenglik hissini yaratadi.
Xonadonlar oldidagi xollarning dizayni eng yaxshi besh yulduzli mehmonxonalar estetikasidan ilhomlangan. Ixcham interyer, pardozlashdagi yuqori sifatli materiallar va iliq nur taratuvchi chiroqlar xollarda shinamlik hamda vazmin hashamat muhitini yaratadi.
Rezidensiya uchun maxsus ishlab chiqilgan kirish eshiklari dizayni loyihaning umumiy me’moriy uslubi bilan uyg‘unlashadi.
Rezidensiyadagi har bir kirish eshigi yangi avlod intellektual qulfi bilan jihozlangan. 3D-yuzni tanish texnologiyasi aloqasiz kirishni ta’minlaydi: siz bir metrgacha masofaga yaqinlashishingiz bilan eshik avtomatik ravishda ochiladi. Infraqizil datchikli o‘rnatilgan video-ko‘zcha tasvirni real vaqt rejimida 4 dyuymli displeyga va smartfoningizga uzatadi.
Mirabad Square xonadonlari o‘zida estetika va funksionallikni mujassam etadi. Balandligi 3,3 metrdan boshlanadigan shiftlar, panoramali oynabandlik va yashirin muhandislik tizimlari yengillik hamda erkinlik hissini yaratadi, moslanuvchan rejalashtirish yechimlari esa individual uslub uchun keng imkoniyatlar ochib beradi.
Xonadonlarni birlashtirish imkoniyati aynan sizning hayotingiz uslubi va maromiga mos keladigan o‘ziga xos makonlarni yaratishga yo‘l ochadi.
Tayanch konstruksiyalar va muhandislik shaxtalarining oqilona joylashuvi, shuningdek, xonalararo ko‘chma to‘siqlar yordamida siz bir nechta xonadonni birlashtirishingiz va istaklaringizga to‘liq mos keladigan maydonni shakllantirishingiz mumkin.
Obodonlashtirilgan ruftopga ega eksklyuziv xonadon bo‘lib, bu yerda har bir kuningiz shaharning hayratlanarli manzaralari bilan boshlanadi.
Puxta o‘ylangan uch qavatli makon, shaxsiy lift va qulay shaxsiy terrasa balandlikda joylashgan shaxsiy hovli hissini baxsh etib, hordiq chiqarish uchun yangi imkoniyatlar ochadi.
Mirabad Square rezidensiyasida ideal mikroiqlimni yaratish uchun Yaponiyaning yetakchi Daikin brendiga mansub VRV kanalli bloklari — eng ilg‘or konditsionerlash tizimlari o‘rnatiladi.
Interyer estetikasini saqlab qolish maqsadida xonadonlarda pol osti suvli konvektorlari o‘rnatiladi. Ventilyatsiya tizimi bilan jihozlangan ushbu konvektorlar issiqlikning bir tekis taqsimlanishini ta’minlaydi va yilning sovuq mavsumda panoramali oynalarning bug‘lanishini oldini oladi.
Mirabad Square loyihasida energotejamkor panoramali oynalardan foydalanilgan. Yevropa sifat standartlari asosida ishlab chiqarilgan alyuminiy profillar ko‘p qavatli binolar uchun ideal darajada mos keladi hamda keskin kontinental iqlim sharoitida mustahkamlik va uzoq muddatli xizmatni kafolatlaydi.
Mirabad Square majmuasida rezidentlar qulayligi uchun shaxsiy boshqaruv kompaniyasi mas’uldir. Professionallar jamoasi har bir tafsilotni — lobbidagi shinamlikdan tortib, muhandislik tizimlarining benuqson ishlashigacha nazorat qiladi.
Rezidentlarga yanada ko‘proq qulaylik yaratish maqsadida biz Apex Service mobil ilovasini ishlab chiqdik. U turli maishiy masalalarni bir necha marta bosish orqali hal qilish imkonini beradi.
Poytaxtning eng nufuzli hududlaridan birida joylashgan Mirabad Square yuqori investitsion salohiyatni namoyon etadi.
Me’morchilik, infratuzilma, xizmat ko‘rsatish darajasi va atrof-muhit xalqaro premium-klass standartlariga javob beradigan Mixed-Use loyihani shakllantiradi. Mirabad Square’da shunchaki kvadrat metrlar xarid qilinmaydi — bu yerda kelajakka sarmoya kiritiladi.
Biz xonadonlarni sotib olish uchun moslanuvchan shartlarni taklif etamiz. Shaxsiy menejer barcha savollaringizga javob beradi va siz uchun eng maqbul to‘lov shaklini tanlashda yordam beradi.
Biz APEX BANK bilan hamkorlikda xonadonni maksimal darajada foydali shartlarda xarid qilish imkonini beruvchi maxsus muddatli to‘lov dasturini ishlab chiqdik.
—
APEX MOLIYA bilan hamkorlikda Nasiya Savdo mahsuloti ishlab chiqildi — endilikda Mirabad Square premium turar-joy majmuasidan shariat qoidalariga to‘liq mos keladigan shartlar asosida xonadon xarid qilishingiz mumkin.
Mutaxassis maslahati uchun telefon raqami
+998 55 055 55 55, har kuni soat 10:00 dan 20:00 gacha
